Sahih Muslim Hadith No 1662

ام المؤمنین عائشہ صدیقہ رضی اللہ عنہا کہتی ہیں کہ

رسول اللہ صلی اللہ علیہ وسلم صبح کو نکلے اور آپ صلی اللہ علیہ وسلم ایک چادر اوڑھے ہوئے تھے جس پر کجاووں کی صورتیں یا ہانڈیوں کی صورتیں بنی ہوئی تھیں ۔ اتنے میں سیدنا حسن رضی اللہ عنہ آئے تو آپ صلی اللہ علیہ وسلم نے ان کو اس چادر کے اندر کر لیا ۔ پھر سیدنا حسین رضی اللہ عنہ آئے تو ان کو بھی اس میں داخل کر لیا ۔ پھر سیدہ فاطمۃالزہراء رضی اللہ عنہا آئیں تو ان کو بھی انہی کے ساتھ شامل کر لیا پھر سیدنا علی رضی اللہ عنہ آئے تو ان کو بھی شامل کر کے فرمایا کہ ” اللہ تعالیٰ چاہتا ہے کہ تم سے ناپاکی کو دور کرے اور تم کو پاک کرے اے گھر والو ! “ ( الاحزاب : 33 ) ۔ ( اس کا مطلب یہ نہیں کہ آپ صلی اللہ علیہ وسلم کی ازواج آپ کے اہل بیت نہیں جیسا کہ شیعہ کا نظریہ ہے بلکہ اصل میں اہل بیت تو ازواج ہی ہیں جو کہ آیت کا سیاق بھی بتاتا ہے ۔ ان کے ساتھ ساتھ آپ صلی اللہ علیہ وسلم نے سیدنا علی ، فاطمہ اور حسنین رضی اللہ عنہم کو بھی شامل کر لیا ہے ) ۔

Total Record Found: 1 / 1 | HadeesNo : 1662 | Baab : نبی کریم صلی اللہ علیہ وسلم کے اہل بیت کی فضیلت ۔ | Kitab : سیدنا ابوبکر صدیق رضی اللہ عنہ کی فضیلت کا بیان | Book Name :صحیح مسلم شریف