Sahih Bukhari Hadees No 3267

حدثنا علي ،‏‏‏‏ حدثنا سفيان ،‏‏‏‏ عن الأعمش ،‏‏‏‏ عن أبي وائل ،‏‏‏‏ ،‏‏‏‏ قال قيل لأسامة لو أتيت فلانا فكلمته‏.‏ قال إنكم لترون أني لا أكلمه إلا أسمعكم ،‏‏‏‏ إني أكلمه في السر دون أن أفتح بابا لا أكون أول من فتحه ،‏‏‏‏ ولا أقول لرجل أن كان على أميرا إنه خير الناس بعد شىء سمعته من رسول الله صلى الله عليه وسلم‏.‏ قالوا وما سمعته يقول قال سمعته يقول ‏"‏ يجاء بالرجل يوم القيامة فيلقى في النار ،‏‏‏‏ فتندلق أقتابه في النار ،‏‏‏‏ فيدور كما يدور الحمار برحاه ،‏‏‏‏ فيجتمع أهل النار عليه ،‏‏‏‏ فيقولون أى فلان ،‏‏‏‏ ما شأنك أليس كنت تأمرنا بالمعروف وتنهى عن المنكر قال كنت آمركم بالمعروف ولا آتيه ،‏‏‏‏ وأنهاكم عن المنكر وآتيه ‏"‏‏.‏ رواه غندر عن شعبة عن الأعمش‏.‏

ہم سے علی بن عبداللہ مدینی نے بیان کیا ، کہا ہم سے سفیان بن عیینہ نے بیان کیا ، ان سے اعمش نے ، ان سے ابووائل نے بیان کیا کہ

اسامہ بن زید رضی اللہ عنہما سے کسی نے کہا کہ اگر آپ فلاں صاحب ( عثمان رضی اللہ عنہ ) کے یہاں جا کر ان سے گفتگو کرو تو اچھا ہے ( تاکہ وہ یہ فساد دبانے کی تدبیر کریں ) انہوں نے کہا کیا تم لوگ یہ سمجھتے ہو کہ میں ان سے تم کو سنا کر ( تمہارے سامنے ہی ) بات کرتا ہوں ، میں تنہائی میں ان سے گفتگو کرتا ہوں اس طرح پر کہ فساد کا دروازہ نہیں کھولتا ، میں یہ بھی نہیں چاہتاکہ سب سے پہلے میں فساد کا دروازہ کھولوں اور میں آنحضرت صلی اللہ علیہ وسلم سے ایک حدیث سننے کے بعد یہ بھی نہیں کہتاکہ جو شخص میرے اوپر سردار ہو وہ سب لوگوں میں بہتر ہے ۔ لوگوں نے پوچھا کہ آپ نے آنحضرت صلی اللہ علیہ وسلم سے جو حدیث سنی ہے وہ کیا ہے ؟ حضرت اسامہ نے کہا آنحضرت صلی اللہ علیہ وسلم کو میں نے یہ فرماتے سنا تھا کہ قیامت کے دن ایک شخص کو لایا جائے گا اور جہنم میں ڈال دیا جائے گا ۔ آگ میں اس کی آنتیں باہر نکل آئیں گی اور وہ شخص اس طرح چکر لگانے لگے گا جیسے گدھا اپنی چکی پر گردش کیا کرتا ہے ۔ جہنم میں ڈالے جانے والے اس کے قریب آ کر جمع ہو جائیں گے اور اس سے کہیں گے ، اے فلاں ! آج یہ تمہاری کیا حالت ہے ؟ کیا تم ہمیں اچھے کام کرنے کے لیے نہیں کہتے تھے ، اور کیا تم برے کاموں سے ہمیں منع نہیں کیا کرتے تھے ؟ وہ شخص کہے گا جی ہاں ، میں تمہیں تو اچھے کاموں کا حکم دیتا تھا لیکن خود نہیں کرتا تھا ۔ برے کاموں سے تمہیں منع بھی کرتا تھا ، لیکن میں اسے خود کیا کرتا تھا ۔ اس حدیث کو غندر نے بھی شعبہ سے ، انہوں نے اعمش سے روایت کیا ہے ۔

Total Record Found: 1 / 1 | HadeesNo : 3267 | Baab : دوزخ کا بیان اور یہ بیان کہ دوزخ بن چکی ہے ، وہ موجود ہے ۔ | Kitab : کتاب اس بیان میں کہ مخلوق کی پیدائش کیونکر شروع ہوئی | Book Name : صحیح بخاری | Volume : 4