Sahih Bukhari Hadith No 285

حدثنا عياش ،‏‏‏‏ قال حدثنا عبد الأعلى ،‏‏‏‏ حدثنا حميد ،‏‏‏‏ عن بكر ،‏‏‏‏ عن أبي رافع ،‏‏‏‏ عن أبي هريرة ،‏‏‏‏ قال لقيني رسول الله صلى الله عليه وسلم وأنا جنب ،‏‏‏‏ فأخذ بيدي ،‏‏‏‏ فمشيت معه حتى قعد فانسللت ،‏‏‏‏ فأتيت الرحل ،‏‏‏‏ فاغتسلت ثم جئت وهو قاعد فقال ‏"‏ أين كنت يا أبا هر ‏"‏ فقلت له‏.‏ فقال ‏"‏ سبحان الله يا أبا هر إن المؤمن لا ينجس ‏"‏‏.‏

ہم سے عیاش نے بیان کیا ، انھوں نے کہا ہم سے عبدالاعلیٰ نے بیان کیا ، انھوں نے کہا ہم سے حمید نے بکر کے واسطہ سے بیان کیا ، انھوں نے ابورافع سے ، وہ ابوہریرہ رضی اللہ عنہ سے ، کہا کہ

میری ملاقات رسول اللہ صلی اللہ علیہ وسلم سے ہوئی ۔ اس وقت میں جنبی تھا ۔ آپ صلی اللہ علیہ وسلم نے میرا ہاتھ پکڑ لیا اور میں آپ صلی اللہ علیہ وسلم کے ساتھ چلنے لگا ۔ آخر آپ صلی اللہ علیہ وسلم ایک جگہ بیٹھ گئے اور میں آہستہ سے اپنے گھر آیا اور غسل کر کے حاضر خدمت ہوا ۔ آپ صلی اللہ علیہ وسلم ابھی بیٹھے ہوئے تھے ، آپ صلی اللہ علیہ وسلم نے دریافت فرمایا اے ابوہریرہ ! کہاں چلے گئے تھے ، میں نے واقعہ بیان کیا تو آپ صلی اللہ علیہ وسلم نے فرمایا سبحان اللہ ! مومن تو نجس نہیں ہوتا ۔

Total Record Found: 1 / 1 | HadeesNo : 285 | Baab : اس تفصیل میں کہ جنبی گھر سے باہر نکل سکتا اور بازار وغیرہ جا سکتا ہے | Kitab : کتاب غسل کے احکام و مسائل | Book Name : صحیح بخاری | Volume : 1